Ako ay 'survivor' sa paglubog ng SuperFerry 9

Larawan ko na nakalifevest kuha ng isang kasamang survivor ilang oras bago tuluyang tumaob ang SuperFerry 9 noong 06 September 2009 mga 7-8 ng umaga.

Hindi ko na nakita ang lalaking nasa likuran pero sa aking pagtatanong ay nakaligtas rin daw ito. Hindi ko alam ang kanyang pangalan taga-Pangasinan siya at Ilocano. Sana nga ay buhay siya dahil isa siya sa matatawag nating 'unsung heroes' sa trahedyang aming kinasapitan.

Ilalahad ko sa inyo ang mga pangyayari mula sa simula:

01 September 2009 (Tuesday)

1:00 PM

Kumuha ako ng ticket sa SuperFerry mag-aala una ng hapon sa 2Go outlet sa Gaisano Grand Mall sa Ilustre Street, Davao City.

Detalye ng aking ticket:

• SuperFerry 9 Voyage #9/09-54
• Sailing Date: 04 September 2009 from Davao @ 8:45 PM
• Arrival Date: 07 September to Manila @ 1:00 PM
• Via Ports of General Santos and Ilo-Ilo.
• Tourist Accommodation - Blue - 23B